ໂຄງກາລະຄິນີຫລວງ(ແຕ່ງເປັນກອນໃໝ່ຕາມເຄົ້າເດີມ)

ໂຄງກາລະຄິນີຫລວງ(ແຕ່ງເປັນກອນໃໝ່ຕາມເຄົ້າເດີມ)
---------------
- ເອກະມະຫິງສາ ຖືກງົວຄວາຍ
(ຄ່ຳໜຶ່ງນັ້ນ ຕົກຖືກງົວຄວາຍ)
- ທະເວພຸດທາ ຖືກພະເຈົ້າ
(ສອງຄໍ່າ ຖືກຄອງພຸດໂທເຈົ້າ)
- ຕະໂຢມະຫາເຖໂຣ ຖືກມະຫາເຖຣະ
(ສາມຄໍ່ານັ້ນ ມະຫາເຖນຖ້ວນທີ່$
- ຈະຕຸປັບພະໂຕ ຖືກພູດອຍ
(ສີ່ຄໍ່າຕົກທີ່ດອຍດ່ານດ້າວ ພະມາໄມ້ປ່າໜາ)

- ປັນຈະເຂັດເຕ ຖືກເຂດແດນ
(ຫ້າຄໍ່ານັ້ນ ແຕ່ຕົກຖືກແດນດິນ)
- ສະເຄເຫ ຖືກເຮືອນຊານ
(ຫົກຄໍ່າຕົກ ທີ່ເຮືອນຕົນ ຢູ້ເຄຫັງຫ້ອງ)
- ສັຕຕະຣາເຊ ຖືກທ້າວພະຍາ
(ເຈັດຄໍ່ຳນັ້ນ ຕ້ອງທີ່ພະຍາມະຫາກັດສັດ)
- ອັດຖະຢາເນ ຖືກຢວດຢານຄານຫາມ
(ແປດຄໍ່າຄົກທີ່ ການຄານຫາມສິ່ງຂອງຂົນຍ້າຍ)
- ນະວະ ຖືກເປືອກຕົມ
(ເກົ້່າຄ່ຳມົ້ມ ຕົກທີ່ເປືອະຕົມ)
- ທະສະຢາເນ ຖືກເຮືອແພ
(ສິບຄ່ຳເຄັມຕາມຕັກ ມ້າງເຮືອນຊານສ້ຽງ)
- ເອກະທະສະ ຖືກຫມາກໄມ້
(ສິບເອັດຄໍ່າຄໍ້າ ຕົກພືດຜົລຜະລາປູກ)
- ທະວາທະສະອິດຖີ ຖືກແມ່ຢິງ
(ສິບສອງຄໍາ ນີ້ທ່ຽງແທ້ຕົກຕ້ອງຜູ້ຍິງ)
- ເຕຣະສະປຸລິໂສ ຖືກຜູ້ຊາຍ
(ສິບສາມຄໍ່ານັ້ນ ຕ້ອງທີ່ຄົນຊາຍ)
- ຈະຕຸທະສະພິກຂູໂນ ຖືກພິກຂູ
(ສິບສີ່ຄໍ່າຄວນຄະນິງຄິດ ຖືກສົງສັງຄະເຈົ້າ)
- ປັນຈະທະສະເທໂວ ຖືກເທບພະດາ
(ສິບຫ້າຄໍ່າສ້ຽງ ເທວະດາຕ້ອງໂທດ)
- ຢ່າເຮັດຕາມທີ່ກລ່າວມານັ້ນ
(ຄັນຊິທຳຣືກແທ້ ຄວນເວັ້ນ ກາລຄີນີນີ້ເນີ)

ເວລາ ເທວະດາໃຫ້ຣືກທຳການມຸງຄຸນ (ບໍ່ວ່າເດືອນໃດ)

ເວລາ ເທວະດາໃຫ້ຣືກທຳການມຸງຄຸນ (ບໍ່ວ່າເດືອນໃດ)
ຄໍ່າຂ້າງຂຶ້ນ    ເນື້ອໃນຂອງຫ້ວງເວລາ ແລະເທວະດາໃຫ້ຣືກມຸງຄຸນ
ຂຶ້ນ ໑ ຄໍ່າ    ພຣະພຸດຕົກທີ່ມະຫາເສດຖີ ຫ້າມຢ່າໄປຄ້າຂາຍທາງບົກບໍ່ດີ, ໄປຄ້າຂາຍທາງເຮືອຈະໄດ້ລາບ ເພາະ ແມ່ໝ້າຍ, ໂອມສາວມາເປັນເມັຍດີ, ຄ້າຂາຍຊື້ສັດ ຊື້ລົດກວຽນຍວດຍານພາຫານະດີ, ຕັດຫຍິບ ນຸ່ງຜ້າ ໃໝ່ດີຈະໄດ້ລາບ ດ້ວຍຄົນດໍາແດງຕາເຫຼືອກແລ, ຫ້າມບໍ່ໃຫ້ໄປຫາຂຸນນາງທ້າວພຣະຍາ, ໂຊກດີຕົກ ແຕ່ເຊົ້າເຖົງບ່າຍ, ເຂົ້າວັດຟັງທຳຈຳສິນ ເຮັດບຸນເຮືອນດີແລ. ໂຊກຮ້າຍຕົກແຕ່ບ່າຍ ເຖິງໄກ່ຂັນ ແລະເທບພະຈອນຢູ່ຫົວໃຈແລ.
ຂຶ້ນ ໒ ຄໍ່າ    ພຣະອັງຄານຕົກໃນຫົນທາງ, ຫ້າມຢ່າທຳມຸງຄຸນໂອມສາວ ກ່າວເມັຍ ແລະປຸກຢ້າວເຮືອນບໍ່ດີຈະ ຕາຍຈາກ ແລະຖືກການຈິບຫາບ, ຫ້າມບໍ່ໃຫ້ຍ້າຍທີ່ໄປຄ້າຂາຍ ແລະໄປຫາຂຸນນາງ ແລະທ້າວພະ ຍາ ແລະຕັດເສື້ອຜ້ານຸ່ງຫົ່ມເຄື່ອງໃໝ່ ຫ້າມທັງມວນ, ໂຊກຮ້າຍຕົກແຕ່ເຊົ້າເຖິງບ່າຍ, ເຂົ້າວັດຟັງທຳຈຳສິນດີແລ, ໂຊກດີຕົກແຕ່ ບ່າຍເຖິງໄກ່ຂັນ ເທພະຈອນຢູ່ຕີນທັງສອງ.
ຂຶ້ນ ໓ ຄໍ່າ    ພຣະຈັນຕົກໃນປ່າໄມ້ທຸກແຫ່ງ ຫ້າມຢ່າທຳມຸງຄຸນກ່າວເມັຍສາວໂອມສາວມາເປັນເມັຍບໍ່ດີ, ຫ້າມຢ່າ ເຂົ້າປ່າຫາຟັນໄມ້, ຢ່າທວາຍຄ້າຊື້ງົວຄວາຍສັດ ໒ ຕີນ ໔ ຕີນບໍ່ດີ, ຊື້ຍວດຍານພາຫານະບໍ່ດີ, ດີທໍ່ໄປ ເຂົ້າກວານວ່າຄວາມແພ້ທ່ານ(ຊະນະທ່ານ) ຂຶ້ນເຮືອນໃໝ່ ແລະເປີດຮ້ານໃໝ່ ເຂົ້າວັດຟັງທຳຈຳສິນ ເຮັດບຸນເຮືອນດີແລ.
ຂຶ້ນ ໔ ຄໍ່າ    ພຣະອາທິດຕົກໃນແຜ່ນດິນທົ່ວທຸກຫົນແຫ່ງ, ຫ້າມຢ່າທວາຍຄ້າຊື້ງົວຄວາຍ, ຍວດຍານພາຫານະ, ຢ່າໄປວ່າຖ້ອຍຄວາມ, ດີທໍ່ທຳການມຸງຄຸນກ່າວເມັຍ, ປຸກເຮືອນຂຶ້ນເຮືອນ, ເປີດຮ້ານໃໝ່ ແລະໄປ ຫາຂຸນນາງດີ, ເຂົ້າວັດຟັງທຳຈຳສິນ ເຮັດບຸນເຮືອນດີແລ, ຢ່າຕັດຜ້າ ຫຍິບຜ້ານຸ່ງບໍ່ດີ, ໂຊກດີຕົກແຕ່ ເຊົ້າເຖິງບ່າຍ ໂຊກຮ້າຍຈົກແຕ່ບ່າຍເຖິງຮຸ່ງອະຣຸນ ຈອນຢູ່ຂາທັງສອງ.
ຂຶ້ນ ໕ ຄໍ່າ    ພຣະການຕົກຢູ່ໃນທ່ານໍ້າທຸກຫົນແຫ່ງ, ພຣະອາທິດສະເດັດລົງມາຢູ່ໃນອາກາດ, ຫ້າມຢ່າທຳມຸງຄຸນ ປຸກເຮືອນບໍ່ດີ ແລະກ່າວເມັຍບໍ່ດີ, ແລະຢ່າໄປຄ້າຂາຍທາງເຮືອບໍ່ດີ, ໄປຄ້າຂາຍທາງບົກດີ, ຕັດຜ້າ ຫຍິບຜ້ານຸ່ງໃໝ່ດີ, ເຂົ້າວັດຈໍາສິນດີ, ໂຊກຮ້າຍຕົກແຕ່ເຊົ້າເຖິງທ່ຽງ ໂຊກດີຕົກແຕ່ບ່າຍເຖິງທ່ຽງຄືນ ແລະຈອນຢູ່ທີ່ຂາ.
ຂຶ້ນ ໖ ຄໍ່າ    ພຣະການຕົກໃນແຜ່ນດີນ ຫ້າມບໍ່ໃຫ້ໄປຄ້າຂາຍທາງບົກບໍ່ດີ, ຊື້ສັດຄ້າຂາຍບໍ່ດີ, ຊື້ຍວດຍານພາຫາ ນະດີ ດີທໍ່ຍ້າຍເຮືອໄປຄ້າຂາຍດີ, ໄປຫາຂຸນນາງທ້າວພຣະຍາດີ, ໄປຫຍິບເສື້ອຜ້ານຸ່ງຫົ່ມດີ, ໂຊກດີ ຕົກແຕ່ເຊົ້າເຖິງທ່ຽງ ໂຊກຮ້າຍຕົກແຕ່ທ່ຽງເຖິງບ່າຍ ເຖິງທ່ຽງຄືນ ແລະເທພະຈອນຢູ່ໜ້າຜາກ.
ຂຶ້ນ ໗ ຄໍ່າ   
ຂຶ້ນ ໘ ຄໍ່າ   
ຂຶ້ນ ໙ ຄໍ່າ   
ຂຶ້ນ ໑໐ ຄໍ່າ   
ຂຶ້ນ ໑໑ ຄໍ່າ   
ຂຶ້ນ ໑໒ ຄໍ່າ   
ຂຶ້ນ ໑໓ ຄໍ່າ   
ຂຶ້ນ ໑໔ ຄໍ່າ   
ຂຶ້ນ ໑໕ ຄໍ່າ   

ເຂົາວ່າປີມະໂຣງ ຂື້ນເຮືອນ ປຸກເຮຶອນ ແຕ່ງງານບໍ່ໄດ້ ?

ເຂົາວ່າປີມະໂຣງ ຂື້ນເຮືອນ ປຸກເຮຶອນ ແຕ່ງງານບໍ່ໄດ້  ?

-         ປີນີ້ປີມະໂຣງ ປີນີ້ຖືວ່າມາແປກ ມີການຊ່າລືກັນວ່າ ຫ້າມຂຶ້ນເຮືອນໃໝ່, ຫ້າມແຕ່ງງານ, ຫ້າມສຳມະປີ ສຳມະມິ, ຜູ້ຂຽນຟັງແລ້ວຄິດຫົວຂວັນ ການຄິດຫົວຂວັນຂອງຜູ້ຂຽນມີສອງຢ່າງ ຄື: ສັງເວດປະເທດຊາດບ້ານເມືອງ ທີ່ເກີດມີການເຊື່ອຖືກັນແບບບໍ່ມີຫຼັກລ້າຫຼັກການ ຫາກມີ ຄວາມເຊື່ອໄຮ້ວິທະຍາສາດ ໄຮ້ຂໍ້ມູນຫຼັກຖານເຊັ່ນນີ້ ບ້ານເມືອງຊິຢູ່ກັນຈັ່ງໃດ ?.

-         ໄລຍະ ໒ ເດືອນຜ່ານ ມີຄົນຫຼາຍກວ່າ ໑໐໐ ຄົນມາຫາມື້ຫາວັນ ແລະນິມົນໄປຂຶ້ນເຮືອນໃໝ່ ບາງຄົນກໍມາບອກວ່າ ຢາກກິນດອງກ່ອນປີໃໝ່ນີ້ ເລີຍຖາມເຂົາວ່າ:

-         (ພຣະອາຈານ) ເປັນຫຍັງຈຶ່ງຕ້ອງຂຶ້ນກ່ອນປີໃໝ່ ?

-         (ທ່ານເລົ່ານັ້ນລ້ວນແຕ່ຕອບເປັນສຽງດຽວກັນວ່າ) ເພາະວ່າບໍ່ຢາກຂຶ້ນປີມະໂຣງ ເຂົາວ່າປີ ມະໂຣງບໍ່ດີ.

-         (ພຣະອາຈານ) ວັນນີ້ເດືອນໃດ ? ຈັກຄໍ່າແລ້ວ,

-         (ທ່ານທັງຫຼາຍທີ່ມາຖາມຈະຕອບຕາມວັນເວລາທີ່ເຂົາຖາມ ວັນນີ້ກະມີຜູ້ຖາມ) ເຂົາຕອບວ່າ “ເດືອນ ໔ ຂຶ້ນ ໑໔ ຄໍ່າ”.

-         (ອາຈານ) ແມ່ອອກພໍ່ອອກ ຢ້ານປີມະໂຣງແມ່ນບໍ ?

-         (ທ່ານທັງຫຼາຍເລົ່ານັ້ນ ຈະຕອບເປັນສຽງດຽວກັບວ່າ) “ປີນີ້ຍັງເປັນປິເຖາະຢູ່”.

-         (ພຣະອາຈານ) ໃຜວ່າ ?

-         (ຫຼາຍທ່ານຈະຕອບວ່າ) “ເບິ່ງຕາມປະຕິທິນ”.

-         (ພຣະອາຈານ) ໄປກວດເບິ່ງປະຕິທິນ ກໍເຫັນວ່າເປັນປິເຖາະ (ສະແດງວ່າປະຕິທິນ ເຂົາກໍາ ນົດຜິດແລ້ວ) ແມ່ອອກເອີຍ (ວັນນີ້) ມັນເປັນປີມະໂຣງໄດ້ ໔ ເດືອນກັບ ໑໔ ວັນແລ້ວ.

-         (ທ່ານທັງຫຼາຍມັກຈະຖາມອາຈານຄືນວ່າ) ອາຈານຖືແບບໄທຍ໌ບໍ ?.

-         (ພຣະອາຈານຕອບ) ບໍ່ຖືແບບລາວ ຢາກຖາມທ່ານທັງຫຼາຍວ່າ ເຂົານັບຈຳນວນຕ່າງໆ ເຂົາເລີ່ມໃສມາ ?

-         (ຄົນທັງຫຼາຍມັກຈະຕອບວ່າ) ນັບແຕ່ ໑.

-         (ພຣະອາຈານ) ຫັ້ນແລ້ວ ເດືອນຈຽງ ຂຶ້ນໜຶ່ງຄໍ່ານັ້ນແລ້ວ ເປັນປີມະໂຣງ ໄລ່ຕາມປີລາວ ເພາະໃນປີໜຶ່ງໆ ຕ້ອງມີວັນ, ຕ້ອງມີເດືອນ ແລະປີ, ຄັນປີຄິດຕະສັງກາດເຂົາຈະນັບເອົາ ແຕ່ວັນທີ ໑ ເດືອນມັງກອນ ເປັນຕົ້ນປີຂອງປີນັ້ນໆ ແລະຈະສິ້ນສຸດຢູ່ວັນທີ ໓໑ ທັນວາສະເໝີ, ສ່ວນປີລາວ ເຂົາກໍນັບແຕ່ ຂຶ້ນ ໑ ຄໍ່າ ເດືອນຈຽງ ແລະສິ້ນສຸດຢູ່ດັບ ໑໕ ຄໍ່າເດືອນ ໑໒, ດ້ວຍເຫດນັ້ນປີມະໂຣງ ຈຶ່ງເຂົ້າແລ້ວມາຮອດວັນນີ້ ກໍນັບໄດ້ ໔ ເດືອນກັບ ໑໔ ວັນ.

-         (ຄົນທັງຫຼາຍມັກຈະຖາມວ່າ) ບໍ່ແມ່ນນັບເດືອນ ໕ ບໍ ?

-         (ພຣະອາຈານ) ມີທີ່ໃດ ເຂົານັບເລີ່ມຕົ້ນແຕ່ເລກ ໕.

-         (ຄົນທັງຫຼາຍມັກຈະຖາມຍ້ອນກັບ) ເຂົາວ່າປ່ຽນປີໃໝ່ເດືອນ ໕.

-         (ພຣະອາຈານ) ຄວາມຈິງປີໃໝ່ລາວ ແບບບູຮານກໍຂຶ້ນແຕ່ວັນທີ ໑ ເດືອນຈຽງ, ແຕ່ເຂົາມາ ສະຫຼອງສົງການກາງເດືອນ ໕ ຕາມແບບພາມຊື່, ເຫັນບໍ ໄທດຳ, ເຂົາຈຶ່ງວ່າກິນຈຽງ (ກິນ ເດືອນຈຽງ ຫຼືເດືອນ ໑) ຈີນ, ຫວຽດ ມົ້ງແລະອື່ນໆ, ນີ້ແລ້ວຈຶ່ງວ່າ ຖືງົມງວາຍ ອັນທີ່ວ່າງົມ ງວາຍເພາະບໍ່ເຊື່ອໂດຍເຫດ, ໂດຍຜົນ ຫາກຫຼັກຖານກົດເກນບໍໄດ້, ນັ່ງທັບປີມະໂຣງ ມາຕັ້ງ ໔ ເດືອນກວ່າ ຍັງຢ້ານປີມະໂຣງຢູ່ອີກຫຼື ?

-         (ມີບາງທ່ານກໍຖາມວ່າ) ຄັນຊັ້ນອາຈານບໍ່ຖືມື້ຖືວັນບໍ ?,

-         (ພຣະອາຈານ) ເຊື່ອ ແຕ່ບໍ່ງົມງວາຍ ຄວາມຈິງທາງພຸດທະສາສນາ ບໍ່ໃຫ້ຢືດຕິດກັບມາ ແຕ່ປະເພນີລາວມີ ອາຈານກະຖືຕາມບ້ານຕາມເມືອງ ແຕ່ເວລາເຮັດກໍຕັ້ງໃຈເຮັດດ້ວຍ ຄວາມຕັ້ງໃຈ ບໍ່ເຮັດເປັນ ພຽງຮູບແບບ, ທີ່ຈິງຜູ້ທີ່ເຊື່ອມື້ເຊື່ອວັນ ເຮົາກະບໍ່ຕິ, ຫາກເຊື່ອມີຫຼັກ ລ້າຫຼັກການ ແລະຕັງໃຈ ເຮັດ ແຕ່ເທົ່າທີ່ເຫັນເມືອ ໔ ເດືອນຜ່ານມານີ້ ຂຶ້ນເຮືອນໃໝ່ແທ້ໆ ແຕ່ບາງຄົນເຮືອນກະປູກບໍ່ ທັນແລ້ວ, ບາງຄົນກໍບໍ່ທັນມີຂັນໃດ ? ບາງຄົນຫຼັງຄາກະຍັງບໍ່ທັນ ຕັດພັດເຮັດບຸນຂຶ້ນເຮືອນ ແລ້ວ ອັນນີ້ຖືວ່າຖືຣືກ ຖືຍາມຜິດຕຳລາ ຄື ຖືໂດຍບໍ່ຢືດຕຳລາ.

-         ບາງຄົນປຸກເຮືອນໃໝ່ ຊ່າງກະຍັງບໍ່ທັນຫາ, ເຄື່ອງປຸກສ້າງກະຍັງບໍ່ທັນມີ ທຸກຢ່າງຍັງບໍ່ທັນ ພ້ອມ,

-         ບາງຄົນ ກິນດອງວ່າແຕ່ແມ່ນອອກໃໝ່ມາແລ້ວ ກິນດອງກັນຈາຣະຫວັ່ນ ບ້ານໜຶ່ງສອງສາມ ຄູ່ ບໍ່ຈັກເດືອນຄູ່ເດືອນຄີກ, ຄັນເບິ່ງຕາມວິທີເຮັດ ຄືຈັ່ງວ່າບໍ່ຖືຣືກ ຖືຍາມ ບາດມາເບິ່ງທາງ ກັບກັນຂ້າງແຮມ ພັດມິດງຽບ ບໍ່ເຮັດບຸນຫຍັງ, ບໍ່ກິນດອງ, ບໍ່ປຸກເຮືອນ, ຖາມວ່າເປັນຫຍັງໍບໍ່ ເອົາວັນແຮມ ໑໐໐ ສ່ວນ ໑໐໐ ມັກຈະຕອບວ່າ “ຢ້ານມັນແຮມ”.(ອັນນີ້ສະແດງວ່າ ເຊື່ອ ຖືຜິດ)

-         ຜົນສຸດທ້າຍ ຕອບວ່າ “ຂຶ້ນເອົາມື້ດີ” ການຄິດແບບນີ້ ກໍຖືວ່າຄິດຜິດ, ມື້ມັນຈະດີໄດ້ ກໍແມ່ນຄົນ ດີ ວຽກງານພ້ອມ ແຕ່ທີ່ເບິ່ງແລ້ວບໍ່ມີຫຍັງພ້ອມເລີຍ ໂດຍສະເພາະການຂຶ້ນເຮືອນໃໝ່ ອີຫຍັງກະບໍ່ແລ້ວ ພັດພາກັນຂຶ້ນເຮືອນ ເມືອວັນ ໑໑ ຄ່ຳຜ່ານມານີ້ ການຂຶ້ນເຮືອນໃໝ່ ມີເປັນ ສິບເປັນຊາວ, ການກິນດອງຍິ່ງມີຫຼວງຫຼາຍ.

-         ໑໑ ຄ່ຳຜ່ານມານີ້ ການຂຶ້ນເຮືອນໃໝ່ ການປຸກເຮືອນໃໝ່ຖືວ່າ “ເປັນມຸງຄຸນ” ທີ່ມັນບໍ່ເປັນມຸງ ຄົນ ເທົ່າທີ່ເຫັນແລ້ວ ແມ່ນວ່າເຮືອນຍັງບໍ່ທັນແລ້ວ ອັນນີ້ຣືກບໍ່ດີແນ່ນອນ, ສ່ວນການກິນດອງ ນັ້ນ ຖືວ່າ ບໍ່ດີເພາະຕົກ “ຫົວສູບຂາລົງ” ທ່ານວ່າ ເອົາກັນແລ້ວມັກຈະວິວາດຜິດຖຽງກັນ ຈົນໄດ້ປະຮ້າງ(ອັນນີ້ວ່າຕາມຕຳລາ) ວ່າຈະແມ່ນຫຼືບໍ່ແມ່ນກ​ໍໃຫ້ທ່ານທັງຫຼາຍສັງເກດໄປ.

-         ໃນແນວຄິດສ່ວນຕົວແລ້ວ ທ່ານຈະເຮັດວັນໃດກໍໄດ້ ຫາກຈະປະກອບບຸນພິທີ ທີ່ສຳຄັນໃຫ້ພ້ອມ ພຽງກັນ ແລະບໍ່ໃຫ້ມີຄວາມເຫັນຜິດເທົ່ານັ້ນ, ການຮີບປຸກເຮືອນ, ຂຶ້ນເຮືອ​ນ, ກິນດອງນີ້ ຟ້າວ ເຮັດຟ້າວທຳນັ້ນດີແລ້ວ ແຕ່ການທີ່ຖືວ່າຜິດນັ້ນ ຄື ໑. ເຮັດເອົາວັນດີ, ເຮັດເອົາມື້, ເຮັດເອົາ ປະເພນີ, ເພາະຄິດວ່າ ຫຼືມີຄົນບອກວ່າ “ປີມະໂຣງບໍ່ດີ” ອັນນີ້ ຖືວ່າຄິດຜິດ ປີໃດໆກະດີ ຫາກເຮົາດີ ແລະພ້ອມທຸກຢ່າງ.

-         ມີຄຳຕອບໃໝ່ອີກເມື່ອຖາມພວກທີ່ເຊື່ອແບບນັ້ນ ເຂົາຕອບວ່າ “ປີມະໂຣງ ມັນບໍ່ດີ ເພາະມັນເປັນ ໂຣງ”

-         ຮ່າໆໆໆໆໆໆໆໆໆໆໆໆໆ(ຜູ້ຂຽນຫົວ) ອັນນີ້ ຄືຜົນຜະຫຼີດທີ່ໄດ່ຈາກພາສາເສັຍ, ຈຶ່ງເຮັດໃຫ້ ວັດທະນະທຳເສັຍໄປດ້ວຍ, ບາດແລ້ວແນວທາງອັນຖືກຕ້ອງຂອງພັກ-ລັດຊິບໍ່ຕີຄວາມໝາຍ ຜິດໄປກວ່ານີ້ບໍ່ ຫາກປະຊາຊົນລາວຕີຄວາມໝາຍຂອງພາສາໄປຕາມອາຣົມແບບນີ້ ສົມຄວນ ແລ້ວບໍ ທີ່ຈະຕ້ອງເອົາຈິງເອົາຈັງກັບພາສາ ແລະອັກສອນໃຫ້ຂຶ້ນ, ເຮົາຈະເຫັນໄດ້ວ່າ ເສັຍພາສາ ເໝືອນເສັຍຊາດ, ດຽວນີ້ພາສາເຮົາເສັຍ, ວັດທະນະທັມ ແລະຄວາມເຊື່ອ ກໍເສັຍ ຫາກເຮົາເສັຍທັງພາສາ ແລະວັດທະນະທຳ ຄວາມເປັນເອກະລັກຊາດຈະຍັງຢູ່ບໍ ?

ໂຄງຊ້າງແກ້ວ

ຄົນບູຮານກ່ອນປະກອບພິທີການຕ່າງໆ ເພິ່ນນິຍົມໄລ່ມື ໄລ່ຄຳວ່າມື້ໃດດີ ຊຶ່ງສ່ວນຫລາຍເພິ່ນໄລ່ໂຄງຊ້າງແກ້ວ

1 ຄ່ຳ

ຊ້າງແກ້ວຂື້ນສູ່ໂຮງຄຳ

The white Elephant resides in his golden place ( Good for marriege and start a new home)

2 ຄ່ຳ

ຜີຟັງທຳປ່າຊ້າ

The spilits are listening to the sormons in the cemetery ( someone is dead )

3 ຄ່ຳ

ລ້າງມືຄອງກິນ

Getting ready to eat ( Good for business)

4 ຄ່ຳ

ປາຍຕີນຕົກຕາກແດດ

Toes tip in the sunlight ( Minor problems )

5 ຄ່ຳ

ຜີແວດລ້ອມວົງເອົາ

Encircled by spirits ( being in real difficulties )

6 ຄ່ຳ

ລົງສະເພົາໄປຄ້າ

Unanchored the ship for trade affairs ( Good for strat new project and new business )

7 ຄ່ຳ

ເຄາະຢູ່ຖ້າຄອງຕົນ

Bad incidents are waiting ( Might get in to trouble )

8 ຄ່ຳ

ຄຳກັງວົນບໍ່ມີແລ້ວ

All the worries still exist ( past problems are not solved )

9 ຄ່ຳ

ຖຶກແຮ້ວພະຣາມ

Being trapped by Brahman’s trap ( Problem with police or authorities )

10 ຄ່ຳ

ຫາຄວາມາງາມບໍ່ໄດ້

No beautiful at all ( can not do anything beeter )

11 ຄ່ຳ

ຂີ້ໄຮ້ເກີດເປັນດີ

From poverty to prosperrity ( Good for everything )

12 ຄ່ຳ

ບໍ່ມີດີຈັກຢາດ

Nothing good enough ( fail to satisfy anybody )

13 ຄ່ຳ

ຜາບແພ້ຂ້າເສິກສັດຕູ

Deafeat all the enemies ( win all the problems )

14 ຄ່ຳ

ສັດຕູຄິດປອງຂ້າ

The foes are waiting to get revenge ( Beware of the close friends )

15 ຄ່ຳ

ຖືກແມ່ວາຍລວງ

ການນັ່ງຂອງເຈົ້າບ່າວເຈົ້າສາວເວລາບາສີສູ່ຂວັນ

ກ່ອນຈະປະກອບພິທີບາສີ ສູ່ຂວັນແຕ່ງງານນັ້ນ ໃຫ້ເຈົ້າບ່າວເຈົ້າສາມານັ່ງຜິນໜ້າໄປຍັງທິດຣາສີຂອງວັນ ຈະເປັນມຸງຄຸນແກ່ຄູ່ຜົວເມັຍ.

ກ. ລາສີປະຈຳວັນ ເປັນດັ່ງນີ້:
- ວັນອາທິດ ຣາສີຢູ່ທິດປັດສິມ (ທິດຕາເວັນຕົກ)
- ວັນຈັນ ຣາສີຢູ່ທິດພາຍັບ.
- ວັນອັງຄານ ຣາສີຢູ່ທິດບົວຣະພາ (ຕາເວັນອອກ)
- ວັນພຸດ ຣາສີຢູ່ທິດຢູ່ທິດອຸດອນ (ທິດເໜືອ)
- ວັນພະຫັດ ຣາສີຢູ່ທິດຢູ່ທິດອີສານ (ຕາເວັນອອກສ່ຽງເໜືອ)
- ວັນສຸກ ຣາສີຢູ່ທິດຢູ່ທິດທັກຂິນ(ທິດໃຕ້)
- ວັນເສົາ ຣາສີຢູ່ທິດອາຄະເນ(ຕາເວັນຕົກສ່ຽງໃຕ້)

ເມື່ອນັ່ງແລ້ວໃຫ້ປະນົມມືໄປຍັງທິດຫົວໃຈເປັນຢູ່ ຖ້າບໍ່ຮູ້ໃຫ້ໝໍພອນບອກ ທິດຫົວໃຈເປັນຢູ່ປະຈຳທິດຕ່າງໆ ດັ່ງນີ້




- ວັນອາທິດ ຫົວໃຈເປັນຢູ່ທິດອຸດອນ
- ວັນຈັນ ຫົວໃຈເປັນຢູ່ທິດຫໍຣະດີ.
- ວັນອັງຄານ ຫົວໃຈເປັນຢູ່ທິດອີສານ
- ວັນພຸດ ຫົວໃຈເປັນຢູ່ທິດບົວຣະພາ
- ວັນພະຫັດ ຫົວໃຈເປັນຢູ່ທິດທິດອາຄະເນ
- ວັນສຸກ ຫົວໃຈເປັນຢູ່ທິດພາຍັບ
- ວັນເສົາ ຫົວໃຈເປັນຢູ່ທິດທິດທັກຂີນ


ວິທີຈື່ຈຳງ່າຍ ທິອຸ ຈັນຫໍ ຄານອີ ພຸດບູ ພະຫັດອາ ສຸກພາ ເສົາທັກ ໃຫ້ປະນົມມືໄປໃນທິດທາງຫົວໃຈເປັນຢູ່ ທຳໃຫ້ເກີດມຸງຄຸນແລ.

- ເມື່ອນັ່ງຖືກທີ່ ແລະປະນົມມືໄປໃນທິດທີ່ຖືກຕ້ອງແລ້ວ ໃຫ້ເອົາຄາຍບູຊາຄຣູຂອງໝໍພອນກ່ອນ, ໃນຄາຍນັ້ນ ມີທຽນຂັນຫ້າ, ຄຳໝາກ, ກອກຢາ ແລະເງິນຕາມສົມຄວນ, ແລ້ວໃຫ້ເຈົ້າໂຄດຂອງເຈົ້າບ່າວເຈົ້າສາວຄົນໃດຄົນ ໜຶ່ງທີ່ສຳຄັນ ຫຼືມີອາຍຸແກ່ກວ່າເອົາຝ້າຍໃນພາຂວັນມາຜູ້ແຂນພາມກ່ອນ ແລ້ວໝໍພອນຈຶ່ງໃຫ້ເຈົ້າບ່າວເຈົ້າສາວ ໃຕ້ທຽນພາຂວັນຂອງໃຜຂອງລາວ ແລ້ວຈຶ່ງເລີ່ມຕົ້ນບາສີຕໍ່ໄປ.
- ເມື່ອບາສີແລ້ວ ໝໍພອນຈະວ່າຄຳຝາຍເຫຼົ້າ ຫຼັງຈາກນັ້ນໃຫ້ໝໍພອນເອົາຝ້າຍຍອດພາຂວັນຂອງເຈົ້າບ່າວ ແລະເຈົ້າສາວມາຝັ້ນກັນຝ່າຍລະເສັ້ນແລ້ວໄປຜູກແຂນໃຫ້ເຈົ້າບ່າວກ່ອນ ແລ້ວຈຶ່ງຜູກໃຫ້ເຈົ້າສາວ ຕໍ່ຈາກນັ້ນ ຈຶ່ງໃຫ້ເຈົ້າໂຄດທັງສອງຝ່າຍຜູກແຂນໃຫ້ເຈົ້າບ່າວ ແລະເຈົ້າສາວ ຕາມດ້ວຍຍາດພີ່ນ້ອງທີ່ມາຮ່ວມງານບາສີສູ່ຂວັນ.

ຂໍ້ຫ້າມເວລາບາສີສູຂວັນ(ໃຫ້ຖືເປັນສຳຄັນ ຢ່າໃຈເບົາ ແລະຢ່າງຝ່າຝືນ)
໑. ເວລາໝໍພອນກຳລັງ ກ່າວຄຳພອນຍັງບໍ່ທັນຈົບນັ້ນ ຫ້າມບໍ່ໃຫ້ໃຜເອົາມືໄປຈັບພາຂວັນ ຫຼືຈັບເອົາຝ້າຍໃນພາ ຂວັນມາຜູກໃຫ້ເຈົ້າບ່າວ ແລະເຈົ້າສາວເດັດຂາດ.
໒. ເວລາຜູກແຂນໃຫ້ໝໍພອນຜູກແຂນເຈົ້າບ່າວກ່ອນ ແລ້ວຈຶ່ງຕາມດ້ວຍພໍ່ແມ່ນ ເຈົ້າໂຄດ ແລະທ່ານຜູ້ໃຫຍ່ ສ່ວນແຂກ ແລະຄົນອື່ນໆຫ້າມຜູກແຂນເຈົ້າບ່າວໝໍພອນ ແລະພໍ່ແມ່ເຈົ້າບ່າວເດັດຂາດ.
໓. ເວລາຜູກແຂນເຈົ້າບ່າວເຈົ້າສາວ ຫ້າມບໍ່ໃຫ້ເອົາຝ້າຍໃນພາຂວັນນັ້ນໄປຜູກຜູກໃຫ້ຄົນອື່ນເດັດຂາດ ຝ້າຍນັ້ນຜູກໄດ້ແຕ່ເຂີຍປອມ ຫຼືໃພ້ປອມເທົ່ານັ້ນ.

ຄຳເຕືອນ: (ສິ່ງທີ່ບໍ່ຄວນລືມ) ໝໍພອນ ຫຼືພໍ່ແມ່ເຈົ້າບ່າວ ເຈົ້າສາມຢ່າລືມຜູກແຂນໃຫ້ເຂີຍປອມ ແລະໃພ້ປອມເດັດຂາດ.

ວັນອຸບາດປະຈຳເດືອນ ບໍ່ຄວນທຳມຸງຄຸນ

- ທາງພຸດທະສາສນານັ້ນກ່າວວ່າ ຄົນຈະດີຫຼືຊົ່ວບໍ່ແມ່ນເປັນເພາະວັນ ເດືອນ ປີ ຫຼືຣືກງາມຍາມດີ ຫາກຄົນເຮົາ ເປັນຄົນດີ ແລະພຽບພ້ອມໄປດ້ວຍສັດທາ ສີລະ ຈາຄະ ແລະປັນຍາພ້ອມ ທີ່ຈະທຳດີໄດ້ທຸກໂອກາດ ພຸດທະ ສາສນາສອນວ່າ "ອະກາລີໂກ" ບໍ່ມີການບໍ່ມີເວລາ.

- ແຕ່ທາງວັດທະນະທັມລາວນັ້ນ ຖືຣືກ ຖືຍາມໃນການປະກອບພິທີກັມ ໃນວຽກງານວັດທະນະທັມສົມຄວນ ສະນັ້ນເມື່ອຈະເຮັດມຸງຄຸນໃດໆ ທ່ານຈຶ່ງຫາມື້ຫາວັນ ການຫາມື້ຫາວັນນັ້ນ ນອກຈາກບໍ່ໃຫ້ກົງກັບວັນຈົມແລ້ວ ຍັງຕ້ອງຫຼີກລຽງວັນອຸບາດຂອງເດືອນອີກ ດັ່ງນີ້.

- ວັນເຫຼົ່ານີ້ ບູຮານຖືວ່າເປັນວັນອຸບາດຂອງເດືອນ ທ່ານຫ້າມຣືກ, ແຕ່ປາກົດເຫັນທາງໄທຍ໌ມັກ ເຊັ່ນວັນ ໙-໙ ແລະເສົາຫ້າ ຄື ເດືອນຫ້າຂຶ້ນ ຫຼືແຮມ ເດືອນ ໕ ກົງກັນວັນເສົາ(໕) ຖືວ່າເປັນວັນກາລະກີນີຂອງປີ ກໍຟັງໄປ.(ປີນີ້ ພສ. 2534 ທາງໄທຍເຂົາເຮັດບຸນຊາດ ເລືອກວັນ ຂຶ້ນ 9 ຄໍ່າເດືອນ 9 ເມື່ອຟັງໄປຟັງມາ ເຂົາເຮົາບູນນີ້ແລ້ວ ກໍເກີດການຕີກັນເລີຍ ຄືການແຫ່ຂະບວນ ນຳມາເຊິ່ງການຍິງກັນຢູ່ຣາຊິປະສົງ ແລະອື່ນທົ່ວ ກທມ ປີນັ້ນ ບໍ່ຮູ້ວ່າຣືກຍາມໃຫ້ຜົນ ຫຼືອັງເອີນກັນແທ້)

- ການວ​ິເຄາະພາບສັນຍະລັກຂອງເສື້ອຝືນນີ້ (ທີ່ເຂົາທຳແຈກໃນບຸນຊາດ)
(ຊີ້ແຈງວັດຖຸປະສົງ: ບົດຂຽນນີ້ບໍ່ແມ່ນບໍ່ມີວັດຖຸປະສົງກ່າວຮ້າຍປ້າຍສີປະເທດເພື່ອນບ້ານ ພຽງແຕ່ຍົກຕົວຢ່າງ ສິ່ງທີ່ເຫັນ ມາແຍງເບິ່ງປະສົບການຈິງ ມາສັງລວມຕາມພື້ນຖານວັດທະນະທຳລາວ ເມື່ອໃຫ້ເຫັນວ່າວັນເຊັ່ນນີ້ ເປັນວັນດີຫຼືບໍ່ດີ ແລ້ວລາວເຮົາມາສຶກສາເປັນຕົວຢ່າງ ຖືເປັນການຖອດຖອນບົດຮຽນ)

ພິເຄາະສັນຍະລັກຂ້ອງເສື້ອ

໑. ເສື້ອສີດຳ: ເປັນສີແຫ່ງຄວາມມືດ ບູຮານວ່າອຸບາດ.

໒. ສັນຍະລັກຂອງຮູບ: ໃບໄມ້ທີ່ໃຊ້ເປັນສັນຍະລັກຂອງງານ ແມ່ມາແລເບິ່ງແລ້ວເຫັນວ່າເປັນໃບກັນຊາ ເປັນຕົ້ນໄມ້ປະເພດຄວາມືນເມົາ, ຢືດຕິດ, ເສບຕິດ, ໃຫ້ໂທດຫຼາຍກວ່າໃຫ້ຄຸນ.
໓. ຂຶ້ນ ໙ ຄ່ຳ ເດືອນ ໙ ຂອງເດືອນ ວັນນີ້ບູຮານລາວຖືກວ່າເປັນວັນອຸບາດ ວັນກາລະກີນີ.

- ຈິງຢູ່ພຣະພຸດທະສາສນາບໍ່ໃຫ້ຖືຣືກ ຖືຍາມ ແຕ່ຫາກປະກອບການອັນເປັນມຸງຄຸນ ກໍຕ້ອງໄດ້ຄຳນຶ່ງ ເຖິງຄວາມເອົາໃຈໃສ່ ແລະຕັ້ງໃຈແມ່ນໄດ້ບຸນແທ້ ແຕ່ເມື່ອເຫດ-ຜົນ ຫຼືມີເຫດດີປັດໄຈກໍດີ ສະນັ້ນຄົນລາວເຮົາ ຈະເຮັດຫຍັງທຳ ໃຫ້ຄຳນຶ່ງເຖິງຜົນດີຜົນເສັຍຂອງປະເທດຊາດ ພຸດທະສາສນາ ແລະວັດທະນະທຳ ໄວ້ແນ່ກໍຄົງຈະດີ ເພາະຄົນໃນສັງຄົມປະເທດເຮົາມີຫຼາຍກຸ່ມຄົນ, ຫຼາຍຄວາມເຊື່ອ ຕ້ອງເອົາໃຈໃສ່ໃຫ້ຄັກໆ

- ເພາະທຸກສິ່ງຈະດີ ຫຼືຊົ່ວມັນຂຶ້ນກັບຄົນທຳ ຫາກຄົນທຳດີ ທຸກຢ່າງຈະດີ ຫາກຄົນທຳບໍ່ດີວັນເດືອນປີກໍຊ່ວຍນຫຍັງບໍ່ໄດ້ເວັ້ນແຕ່ທຸກຄົນປະຕິບັດຕາມ ທຳຄຳສອນຂອງພຣະພຸດທະສາສນາເທົ່ານັ້ນ.

ວັນ, ເດືອນ, ປີ ການຫ້າມ ແລະອະນຸຍາດປຸກເຮືອນ

          ເຮືອນ ເປັນປະເພດເສນາສະນະເປັນໜຶ່ງໃນປັດໄຈ ໔ ຂອງມະນຸດ, ຄົນມີອາຫານ ການກິນ, ມີເຄື່ອງນຸ່ງຫົ່ມ, ມີສຸຂະພາບເຂັ້ມແຂງ ຄືຢາປົວພະຍາດ ເຖິງປານນັ້ນຫາກ ຍັງບໍ່ມີເຮືອນຢູ່ຖືວ່າຍັງບໍ່ມີຄວາມພາກພູມໃຈ, ເຖິງຖ້າຈະມີເຮືອນ ໑໐ ຊັ້ນ ແຕ່ຫາກເປັນ ເຮືອນຂອງເພິ່ນ ຢູ່ກໍບໍ່ເປັນສຸກ ນອນກໍບໍ່ເປັນສຸກ, ຄວາມສຸກທັງຫຼາຍທັງປວງເກີດຂຶ້ນທີ່ ເຮືອນ, ຫາກບໍ່ມີເຮືອນ ຄວາມອຸກອັ່ງທັ່ງທວງ, ຄວາມຫວາດລະແວງ ແລະບັນຫາອື່ນໆ ຈະຕາມມາ, ຫາກມີເຮືອນເປັນຂອງຕົນເອງແລ້ວຄວາມຮັກ ຄວາມອົບອຸ່ນ ຄວາມໂຊກ ລາບວາດສະໜາ ອັນຈະເກີດຕໍ່ການດຳຣົງຊີບກໍມີຂຶ້ນ ຄົນບູຮານວ່າ “ທຸກບໍ່ມີເສື້ອຜ້າ ຝາເຮືອນດີພໍລີ້ຢູ່ ທຸກບໍ່ມີເຂົ້າຢູ່ທ້ອງນອນລີ້ຢູ່ບໍ່ເປັນ” ເມື່ອເຮົາຟັງຄໍາບູຮານນີ້ແລ້ວ ເຮົາ ຈະເຫັນວ່າ “ເຮືອນສຳຄັນເປັນອັນດັບແຮກ ອາຫານການກິນ ເປັນອັນດັບສອງ ເສື້ອຜ້າ ເປັນອັນດັບສາ ແລ້ວຢາປົວພະຍາດເປັນສິ່ງສຸດທ້າຍ” ເຖິງຢ່າງໃດກໍຕາມປັດໄຈ ໔ ຢ່າງ ນີ້ລ້ວນແຕ່ມີຄວາມພົວພັນກັນ ດ້ວຍເຫດນັ້ນຄົນບູຮານຈຶ່ງໃຫ້ຄວາມສຳຄັນໃນປັດໄຈ ໔ ແຕ່ວ່າທີ່ອາໄສນີ້ ມັນມີຄວາມສຳຄັນໃນການຢູ່ອາໄສ ຫາກໃຜມີເຮືອນແລ້ວ ເຄື່ອງນຸ່ງກໍ ຫາງ່າຍ, ອາຫານກໍຫາງ່າຍ ຢ່າປົວພະຍາດກໍຫາງ່າຍ ເພາະເຮືອນມີຄວາສຳຄັນນີ້ແລ້ວ ຄົນລາວບູຮານຈຶ່ງຄວນເລືອກວັນ, ເດືອນ, ປີ ຖືກທັງທິດ, ຖືກທັງໂສຼກ, ຖືກທັງລັກສະນະ ໃຫ້ເໝາະສົມ ສະນັ້ນ ຄົນບູຮານຈຶ່ງສອນລູກຫຼານໄວ້ວ່າ “ຕັດຜົມ ຄິດຮອດຜົມປົ່ງ, ປຸກ ເຮືອນຜິດຄິດຮອດເຮືອນເພ, ເອົາເມັຍຜິດຄິດຮອດວັຣຕາຍ” ເພື່ອບໍ່ໃຫ້ຜິດທ່ານຈຶ່ງໃຫ້ ເຮັດໃຫ້ຖືກຕ້ອງຕາມປະເພນີບູຮານ.

            ໑. ປຸກເຮືອນວັນໃດດີ ? (ໝາຍເອົາວັນໃນສັບປະດາ)

            - ວັນອາທິດ : ທ່ານຫ້າມປຸກ ຄວາມອຸບາດຈັງໄຮຈະເກີດ ແກ່ເຈົ້າເຮືອນ.

            - ວັນຈັນ: ທ່ານວ່າປຸກໄດ້ ຈະມີລາບ ສັກກາລະຜ້າຜ່ອນທ່ອນສະໄປ ຈະບັງເກີດແກ່ເຈົ້າຂອງເຮືອນ.

            - ວັນອັງຄານ: ທ່ານຫ້າມປຸກ ຈະເກີດອັນຕລາຍຈາກໄຟ.

            - ວັນພຸດ: ທ່ານວ່າດີ ຈະມີລາບເປັນຂອງຂາວເຫຼືອງ.

            - ວັນພະຫັດ: ທ່ານວ່າດີ ຈົ່ງປຸກເຖີດຈະໄດ້ລາບ ແລະຄວາມສຸກເພີ່ມພູນທະວີ.

            - ວັນສຸກ: ທ່ານວ່າ ຫ້າມປຸກຈະມີທຸກ ແລະສຸກເທົ່າກັນແລ.

            - ວັນເສົາ: ທ່ານຫ້າປຸກເດັດຂາດ ຈະເກີດຖ້ອຍຄວາມ ມີຄົນບຽດບຽນ ແລະຈະມີເລື່ອງເດືອດຮ້ານໃຈ.

           

            ໒. ປຸກເຮືອນເດືອນໃດດີ(ໝາຍເຖິງເດືອນລາວ)

            - ເດືອນຈຽງ(ເດືອນ ໑) ທ່ານວ່າຈະທຳມາຄ້າຂຶ້ນ ຈະໄດ້ເປັນເສດຖີ ເພາະກິດຕະການຄ້ານັ້ນໆ.

            - ເດືອນຍີ່(ເດືອນສອງ) ທ່ານວ່າດີ ຈະມີສີຣິໃນການປ້ອງກັນສັດຕູທັງມວນ.

            - ເດືອນສາມ: ທ່ານຫ້າມປຸກ ຈະມີໄພ ສັດຕູບຽດບຽນ.

- ເດືອນສີ່: ທ່ານວ່າປຸກດີຈະມີລາບ ຈະມີຄວາມສຸກກາຍສະບາຍໃຈ.

            - ເດືອນຫ້າ: ທ່ານວ່າຈະເກີດຄວາມທຸກຮ້ອນໃຈ ບໍ່ສະບາຍໃຈ.

            - ເດືອນຫົກ: ທ່ານວ່າປະເສີດ ຈະສົ່ງຜົນໃຫ້ເງິນຄຳໃຫຼມາມາກມາຍກ່າຍກອງ.

            - ເດືອນເຈັດ: ທ່ານຫ້າມປຸກ ຈະເປັນອັນຕະລາຍແກ່ຊັບ ທີ່ຫາໄວ້ໄດ້ແລ້ວ ຈັກຖືກໂຈນລັກ ຫຼືໄຟໃໝ້.

            - ເດືອດແປດ: ທ່ານຫ້າມປຸກເຮືອນໃນເດືອນນີ້ ເງິຄຳທີ່ຫາໄວ້ແລ້ວ ຈະເກັບຮັກສາໄວ້ບໍ່ຢູ່ຄົງທີ່ແລ.

            - ເດືອນເກົ້າ: ທ່ານໃຫ້ຮີບເຮັ່ງປຸກເຮືອນ ຖ້າຮັບຣັດຖະການຈະໄດ້ຮັບປູນບຳເນັດ ລາງວັນ ຂຶ້ນຕຳແໜ່ງ ຖ້າບໍ່ໄດ້ເປັນລັດຖະການຈະຈະເລີນໃຫນການປະກອບສັມມາຊີບ.

            - ເດືອນສິບ: ທ່ານຫ້າມປຸກ ຈະໄດ້ຮັບອັນຕະລາຍໄດ້ໂທດທັນ ອາຍາແຜ່ນດິນ ແລະການເຈັບໄຂ້ໄດ້ປ່ວຍ.

            - ເດືອນສິບເອັດ-ສຶບສອງ: ທ່ານວ່າຄວນຮີບເຮັ່ງປຸກເຮືອນ ຈະໄດ້ມີເງິນຄຳກຳແກ້ວ ເສື້ອຜ້າອາພອນ ເງິນຄຳ  ຊ້າງມາງົວຄວາຍ ຂ້າທາດບໍລິວານແລ.

            ໓. ປຸກເຮືອນປີໃດດີ ? (ໝາຍເອົາປີລາວ)

          ໓.໑. ການປຸກເຮືອນ ປີໃດ ? ບູຮານລາວບໍ່ເຄີຍຫ້າມບໍ່ໃຫ້ປຸກ ແຕ່ອະນຸຍາດພຽງວ່າ ຫາກຈະປຸກປີໃດ ໃຫ້ທຳດັ່ງນີ້:

          - ປີຊວດ: ໃຫ້ເອົາກິ່ງໄມ້ຄູນ ມັດເສົດແລ້ວຈຶ່ງເອົາເສົາລົງຂຸມ ເປັນມຸງຄຸນແລ.

            - ປີສລູ: ໃຫ້ເອົາຜ້າຂະມາ ຫໍ່ກ້ວຍພັນປາຍເສົາ ເອົາງ່າຕູມ(ງ່າຕູຕັງ) ໓ ງ່າ ມາມັດເສົາ ຈຶ່ງຍົກເສົາລົງ ຂຸມດີແລ.

            - ປີຂານ: ໃຫ້ເອົາເຂົ້າໃສ່ກະໂທງ ໓ ອັນມາວາງໃສ່ເສົາ ແລ້ວເອົານຳ້ມາຫົດ ໓ ໂອ ຈຶ່ງຍົກເສົາດີແລ,

            - ປີເຖາະ: ໃຫ້ເອົາໃບໄມ້ແຄນ ໃບຫູດຫອມ ແລະຕົ້ນກ້ວຍມາມັດປາຍເສົາ ແລ້ວຈຶ່ງຍົກເສົາລົງ ຂຸມດີແລ.

            - ປີມະໂຣງ: ໃຫ້ເອົາຜ້າຫໍ່ໃບຫູດຫອມ ແລະກຳຍານພັນປາຍເສົາ ແລ້ວຈຶ່ງຍົກເສົາລົງ ຂຸມດີແລ.

            - ປີມະສິງ: ໃຫ້ເອົາໃບທອງ ໒ ງ່າ ຜູກປາຍເສົາ ເອົາເຂົ້າສຸກໃສ່ກະໂທງ ໓ ກະໂທງ, ທູບ ໓ ຄູ່, ທຽນ ໓ ຄູ່ ບຊາ ຈຶ່ງຍົກເສົາລົງຂຸມດີແລ.

            - ປີມຣມີ: ໃຫ້ເອົາໃບຂີ້ເຫຼັກ ໓ ງ່າ ກວາດແຕ່ປາຍເສົາລົງມາຈົນເຖິງຕົ້ນເສົາ ໓ ຫົນ ແລ້ວເອົານໍ້າຫົດປາຍເສົາ ໓ ໂອ ລໍຈັງຫວະໄກ່ຂັນ ຈຶ່ງຍົກເສົາລົງຂຸມມີໂຊກຊັຍແລ(ຖ້າບໍ່ມີໄກ່ຂັນໃຫ້ສົມມຸດເອົາ, ແກ້ໄຂຄວາມເຂົ້າໃຈ ການເລືອກຣືກ, ຍາມໃຫ້ເລືອກເອົາຕາມຣືກດີຂອງແຕ່ລະວັນ ທີ່ກຳນົດ ບໍ່ໄດ້ໝາຍວ່າຍາມກາງຄືນ ເພາະໄກ່ຂັນຍາມໃດກໍມີ)

            - ປີມະແມ: ໃຫ້ເອົາໃບເງິນ ໓ ໃບ ໃບໝາກຕົວຜູ້ ແລະໝາກຕົວແມ່ຢ່າງລະ ໓ ໃຍ ກ້ວຍສຸກ ໓ ໜ່ວຍ ອ້ອຍ ໓ ຂໍ້ ໃສ່ໃນຂຸມ ຈຶ່ງຍົກເສົາລົງ ຂຸມດີແລ.

            - ປີວອກ: ແລະປີລະກາ: ໃຫ້ເອົາທຽນ ໓ ເຫຼັ້ມ ໄປຜູກຕົ້ນເສົາທາງຫົວນອນ ຕົ້ນໃດກໍໄດ້ ຈຶ່ງຍົກເສົາລົງຂຸມ ຈຶ່ງຍົກເສົາລົງ ຂຸມດີແລ.

            - ປີຈໍ ແລະປີກຸນ: ໃຫ້ເອົາເຂົ້າຕອກ ໕ ດອກ, ໃບບົວບົກ ໕ ໃບ ຮອງຕົງຫົວເສົາໃນຫຼ່ມກ່ອນ ຈຶ່ງຍົກເສົາລົງ ຂຸມດີແລ.

* ໝາຍເຫດ: ເມື່ອເຖິງວັນປຸກສ້າງຈິງ ໃຫ້ໄປປຶກສານຳພຮະສົງຜູ້ຊຳນານອີກຄັ້ງ ເພື່ອເບິ່ງວັນຈົມ ວັນຟູ ວັນລົ່ມຫຼວງຕື່ມ,